ទឹម រដ្ឋា ជួប​រឿង​ស៊យធំ ពេល​កំពុង​ធ្វើដំណើរ​ពី​ខេត្តព្រះសីហនុ ត្រឡប់​មក​ភ្នំពេញ​វិញ

(ភ្នំពេញ)៖ តារាសម្ដែង និងជាពិធីការិនីប្រចាំកម្មវិធី «អាថ៌កំបាំងក្រៅឆាករបស់តារា» កញ្ញា ទឹម រដ្ឋា ថ្មីៗនេះទស្សនិកជនសង្កេតឃើញថា នាងបានធ្វើដំណើរកំសាន្តជាលក្ខណៈគ្រួសារនៅទីដីខេត្តព្រះសីហនុ និងទៅដើម្បីបំពេញការងារ ប៉ុន្ដែខណៈត្រឡប់មកភ្នំពេញវិញ កាលពីយប់ម្សិលមិញនេះ នាងបានជួបរឿងស៊យមួយដែលនឹកស្មានមិនដល់ គឺឡានរបស់នាងដាច់ខ្សែពានពាក់កណ្ដាលផ្លូវ។ យ៉ាងណាមិញ កញ្ញា ទឹម រដ្ឋា និងគ្រួសារត្រូវបានបងប្អូនប្រជាពលរដ្ឋនៅទីនោះជួយយកអាសារ ព្រមទាំងមិត្តសំឡាញ់គ្រាន់តែឮដំណឹងនេះភ្លាម ក៏ខំជិះឡានពីភ្នំពេញមកជួយ។

ជាក់ស្ដែង កញ្ញា ទឹម រដ្ឋា បានបង្ហោះរូបភាពរថយន្តរបស់នាងដោយភ្ជាប់ជាមួយនឹងសារយ៉ាងវែងថា «ជឿអត់? ឡានខូចដាច់ខ្សែពានតាមផ្លូវមកពីកំពង់សោមរហូតមកដល់យប់ស្មើនេះហើយនៅតែចាំ ព្រោះឡានធំកំពុងតែធ្វើដំណើរមកពី ភ្នំពេញមកដឹកឡានខ្ញុំ ហើយក៏អគុណដ៏បងប្អូនប្រជាពលរដ្ឋខ្មែរ ដែលមានចិត្តជួយដល់គ្រួសារខ្ញុំ ជាពិសេសពួកម៉ាកសំឡាញ់ចិត្តតែមួយគត់របស់ខ្ញុំក្នុងជាតិនេះ Vin Sana គ្រាន់តែឮថាពួកម៉ាក់ខួចឡានតាមផ្លូវភ្លាម ខំជិះតាំងពីភ្នំពេញមករកពួកម៉ាក់ជិតដល់កំពង់សោម»។

គួរបញ្ជាក់ផងដែរថា កញ្ញា ទឹម រដ្ឋា ត្រូវបានមិត្តភ័ក្តបងប្អូនប្រជាពលរដ្ឋខ្មែរជាច្រើនជួយ ខណៈនាងកំពុងមានបញ្ហា នេះបញ្ជាក់ឲ្យដឹងថា ខ្មែរពិតជាចេះជួយគ្នាក្នុងគ្រាមានអាសន្នមែន ។ យ៉ាងណាមិញ មកទល់នឹងពេលនេះ កញ្ញា ទឹម រដ្ឋា និងគ្រួសារបងត្រឡប់មកភ្នំពេញវិញដោយសុវត្ថិភាពហើយ៕

ប្រភព៖ Khmertalking

Leave a Reply

Your email address will not be published. Required fields are marked *