ធ្លាប់ឆ្ងល់អត់ ហេតុអ្វីតារាៗ និងពិធីករពាក់អាវ ពណ៌ដូចម្ចាស់Sponsor?

ភ្នំពេញ៖ សព្វថ្ងៃ ទីផ្សាររបស់តារាចម្រៀងនៅក្នុងប្រទេសកម្ពុជា ហាក់កាន់តែសម្បូរឡើងៗ ដោយសារតែមាន ផលិតផលជាច្រើន ចង់ផ្សព្វផ្សាយផលិតផល និងចង់ឲ្យផលិតផលខ្លួន មានឈ្មោះល្បីល្បាញ ដូច្នេះហើយពួកគេត្រូវតែ ចំណាយដើមទុន ដើម្បីបង្កើតកម្មវិធី ដែលធ្វើឡើងនៅរាជធានីភ្នំពេញ និងតាមខេត្តជាច្រើនផងដែរ។

តើប្រិយមិត្តអ្នកអាន ធ្លាប់ឆ្ងល់ទេ ថាហេតុអ្វី តារាៗនិង ពិធីករទាំងអស់ តែងតែពាក់អាវពណ៌ទៅតាម កម្មវិធីនីមួយៗដូច ម្ចាស់Sponsor?

បើយោងតាមការយល់ឃើញ របស់មហាជនមួយចំនួន បានឲ្យដឹងថា កាលដែលតារាៗនិងពិធីករ ពាក់អាវទៅតាមពណ៌ម្ចាស់Sponsor នោះ ព្រោះថា សម្លៀកបំពាក់ពួកគេត្រូវបាន ឧបត្ថម្ភដោយម្ចាស់Sponsor ផ្ទាល់ ដើម្បីឲ្យសម្លៀកបំពាក់មាន ពណ៌ដូចផលិតផលរបស់ពួកគេ។

ប៉ុន្តែផ្ទុយទៅវិញ បើតាមការពិតនោះ រាល់ខោអាវដែលតារាៗនិង ពិធីករពាក់ម្តងៗ គឺគ្មានការឧបត្ថម្ភពី ម្ចាស់Sponsorណានោះទេ គ្រាន់តែពួកគេប្រាប់ទៅ តារានិងពិធីករដែលត្រូវសម្តែងក្នុងកម្មវិធី ឲ្យស្លៀកខោអាវតាម ពណ៌ដែលពួកគេតម្រូវតែប៉ុណ្ណោះ។ ហើយរាល់សម្លៀកបំពាក់ទាំងនោះ គឺជាការរៀបចំដោយ តារាចម្រៀងនិង ពិធីករដោយខ្លួនឯង។

ជាពិសេស ការស្លៀកសម្លៀកបំពាក់ តាមពណ៌កម្មវិធីនោះ ដើម្បីឲ្យឆាកតន្ត្រីមាន ភាពលេចធ្លោ និងស៊ីគ្នាជាមួយពណ៌ផលិតផលក្រុមហ៊ុនរបស់ពួកគេផងដែរ នេះបើតាមប្រភពជិតស្និទ្ធ បានប្រាប់មកកាន់ខ្មែរឡូត

អានបន្ត៖  តារា​​​ល្បីៗ ច្រៀង​មិន​យក​កម្រៃ​ ដើម្បី​​​​​​អង្គាស​ប្រាក់​ជួយ​ដល់​កុមារ​គរ​ថ្លង់ និង ពិការ​ភ្នែក​

យ៉ាង​តិច​មាន​តារា​ចម្រៀង​ល្បីៗ​ប្រុស​ស្រី​ជាង​១០រូប និង​សិស្ស​សាលា ជា​ច្រើន​​រូប​ផ្សេង​ទៀត បាន​​ស្ម័គ្រចិត្ត​ រួម​គ្នា​សម្ដែង​សិល្បៈ​ក៏​ដូច​ជា​ការ​ច្រៀង ឲ្យ​ការ​ប្រគំតន្ត្រី​សប្បុរសធម៌​មួយ​កាល​ពី​​រសៀល​ម្សិល​មិញ​រ៉ៃ​អង្គាស​ប្រាក់ ដើម្បី​​ជួយ​ដល់ អង្គការ​ ​មួយ​ចំនួន​​ទទួល​ចិញ្ចឹម​កុមារ​គរ​ថ្លង់ ពិការ​ភ្នែក ជា​ដើម។

ការ​ប្រគំតន្ត្រី​សប្បុរសធម៌​​នៅ​សាលា​បង្រៀន​ខាង​លើ បាន​ធ្វើ​ឡើង​ជា​មួយ​នឹង​ការ​អបអរ​បុណ្យ​ណូអែល​ និង ឆ្លង​​ឆ្នាំ​សាកល ​ដែល​រៀបចំ​ដោយ​សាលា ​ELT។ តារា​ចម្រៀង ដែល​បាន​ចូល​រួម​ច្រៀង ក្នុង​កម្មវិធី​សប្បុរសធម៌​​ មាន​កញ្ញា សុខ ពិសី ចិត្ត​ ​កញ្ចនា ​លោក ម៉ា ចន្ទ័បញ្ញា កញ្ញា វិរៈ និច្ច កញ្ញា អាវី ​ កញ្ញា រ៉ាប៊ី កុមារី សុខ សុជាតា កុមារី អ៊ុក សុវណ្ណារី កញ្ញា វី ដាណែត លោក តូនី វិនស៊ិន លោក អហ្វិត លោក ឃ្លើន លោក និមិត្ត ​កញ្ញា សេថា ក្រុម​រាំ​សម័យ និង​​ក្រុម​សិល្បៈ ប្រចាំ​សាលា​ជា​ច្រើនទៀត​។

តារា​ចម្រៀង​ទាំង​អស់​ដូច​ដែល​មាន​រៀប​រាប់​លើ មិន​បាន​យក​តម្លៃ​ខ្លួន​សម្រាប់​ការ​សម្ដែង​នេះ​ឡើយ​​​ពោល​តម្លៃ​ខ្លួន​របស់​ពួក​គេ ត្រូវ​បាន​ដាក់​បញ្ចូល ក្នុង​មូលនិធិ ដើម្បី​​ជួយ​ដល់​អង្គការ​​ទាំង​អស់។ ទោះ​បី​ជា ការ​ច្រៀង​ខាង​លើ មិន​ទទួល​បាន​ប្រាក់​បែប​នេះ​ក្ដី ប៉ុន្តែ​ពួក​គេ បាន​សម្ដែង​ការ​​សប្បាយ​រីក​រាយ​ជា​ខ្លាំង​នៅ​ពេល​ដែល បាន​ចូល​រួម​ជួយ​ដល់ ក្មេងៗ​គរ​​ថ្លង់​បែប​នេះ។

​​​លោក ម៉ា ចន្ទ័បញ្ញា ដែល​ជា​តារា​ចម្រៀង​ម្នាក់ បាន​លើក​ឡើង​ថា ខ្លួន​ពិត​ជា​សប្បាយ​ចិត្ត​ជា​ខ្លាំង​​ពេល​បាន​ចូល​រួម​ការ​ប្រគំតន្ត្រី​ខាង​លើ ត្បិត​អី​ការ​ចូល​រួម​របស់​លោក ក្រៅ​ពី​​ផ្ដល់ ភាព​សប្បាយ​រីករាយ​ដល់​សិស្សានុសិស្ស វត្ត​មាន​របស់​លោក​ក៏​​បាន​ជួយ​ដល់​កុមារ​មក​ពី​អង្គការ​ផ្សេង​ទៀត ដូច​ជា​​កុមារ​គរ​ថ្លង់ និង ពិការ​ភ្នែក ជា​ដើម។

ស្រដៀង​គ្នា​នោះ​ដែរ កញ្ញា វិរៈនិច្ច តារា​ចម្រៀង​មក​ពី​ផលិតកម្ម​សាន់ដេ បាន​ថ្លែង​ថា ខ្លួន​មក​ច្រៀង​ក្នុង​ការ​ប្រគំតន្ត្រី​នេះ គឺ​ជា​ការ​​ស្ម័គ្រចិត្ត​មិន​គិត​ប្រាក់ ប៉ុន្តែ​​ពិត​នាង​ពេញ​ចិត្ត​ធ្វើ ព្រោះ​បាន​ជួន​អ្នក​គាំទ្រ​នាង​ច្រើន ហើយ​ជា​ពិសេស គឺ​បាន​ជួយ​ដល់​ក្មេង​ក្រីក្រ​ ជា​ពិសេស​បាន​ជួយ​ដល់ កុមារ​គរ​ថ្លង់ និង ពិការ​ភ្នែក ជា​ដើម។

កាន់​តែ រំភើប​ជាង​នោះ ទៅ​ទៀត​នោះ កញ្ញា សុខ ពិសី ត្រូវ​បាន​អ្នក​គាំទ្រ​ របស់​នាង​ធ្វើពិធី​ខួប​កំណើត​​ឲ្យទាំង​ខ្លួន​មិន​ទាន់​ដល់​ថ្ងៃ​ខួប​កំណើត​នៅ​ឡើយ។ ជា​មួយ​និង ការ​ងារ​មនុស្សធម៌​ខាង​លើ សុខ ពិសី បាន​សម្ដែង​អារម្មណ៍​សប្បាយ​រីក​រាយ មិន​ខុស​ពី​តារា​ចម្រៀង​​​ទាំង​២រូប​ខាង​លើ​ឡើង។

អ្នក​ស្រី ជា នាង​អេង សកលវិទ្យាធិការ​នៃ​សាកលវិទ្យាល័យELT បាន​លើក​ឡើង​ថា មូលហេតុ​ដែល​នាំ​ឲ្យ សាលា​របស់​អ្នក​ស្រី រៀបចំ​ ការ​ប្រគំតន្ត្រី​សប្បុរសធម៌​ ចំ​ថ្ងៃ​ដែល សាលា​ជប់​លៀង​ឆ្លង​ឆ្នាំ ក៏​ដូច​ជា ចូល​រួម​បុណ្យ​ណូអែល​បែប​នេះ​ក៏​ព្រោះ​តែ​ក្រៅ​ពី​ផ្ដល់​ភាព​សប្បាយ​រីក​រាយ​ដល់​សិស្សានុសិស្ស សាលា​ចង់​ឲ្យ​សិស្ស​​ក៏​ដូច​ជា​មាតាបិតា បាន​ចូល​ជួយ​ដល់​សង្គម​ជាតិ ជា​ពិសេស គឺ​ចង់​ជួយ​ដល់​អង្គការ​ដែល​កំពុង​ខ្វះ​ខាត​តែ​ម្ដង។

មិន​ទាន់​ដឹង​ថា ទឹក​ប្រាក់​សរុប​ពី​ការ​ប្រគំតន្ត្រី​នោះ​ឡើយ។ តាម​ការ​លើក​ឡើង​របស់ សកល​វិទ្យាធិការ​ ​ខាង​លើ ការ​ប្រគំតន្ត្រី​សប្បុរសធម៌​នេះ មិន​មែន​ជា​លើក​ទី១​ឡើយ​ដែល​សាលា​បាន​ធ្វើ ពោល​គឺ​​សាលា​តែង​តែ​ធ្វើ​ កិច្ចការ​​សប្បុរសធម៌ បែប​នេះ​ជា​ញឹកញាប់​មក​ហើយ ៕