សុខ សោម៉ាវត្តី ចង់លេងឲ្យអស់ដៃដូចឌុច លីដា ដែរ តែខ្លាចមេ

សុខ សោម៉ាវត្តី ដែលតាំងពីចូលសិល្បៈ១១ឆ្នាំ មិនដែលហ៊ានប្រថុយលេងឈុតស្នេហារោលរាល ឬដោះអាវឱ្យគេឃើញស្បែកសាច់ ស្រាប់តែបណ្តោយឱ្យលោកអែនឌី ឱបថើបតាមចិត្ត ក្នុងបទ “នឹកបង៥០%ផង” របស់លោកអែនឌី នាំឱ្យមានការលេចឮថា សង្សារថ្មីរបស់នាង កីឡាករបាល់ទាត់លី វ៉ាហេទ ដែលជាខ្សែការពារក្លឹបបឹងកេត នោះ បានប្រចណ្ឌអ្នកមេម៉ាយស្បែកសាច់សខ្ចីរូបនេះខ្លាំង និងបានព្រមានតារាកូន១រូបនេះ ដាច់ខាតគឺមិនឱ្យថតឈុតរោលរាលនោះទៀតឡើយ។

ក្នុងជំនួបផ្ទាល់ កាលពីពេលថ្មីៗនេះ សុខ សោម៉ាវត្តី ថា នាងមិនហ៊ានសិចស៊ីលើសនេះឡើយ ព្រោះខ្លាចប៉ុស្តិ៍បាយ័ន កុំអីនាងលេងមួយអស់ដៃតែម្តង។ អ្នកមេម៉ាយដែលមានរូបសម្រស់មិនចាញ់ក្រមុំរូបនេះ ថ្លែងថា “នេះមិនមែនជាលើកទី១ទេ ដែលខ្ញុំថតសិចស៊ីនោះ កាលពីមុនៗ ធ្លាប់ថតខ្លះៗដែរហ្នឹង។ និយាយទៅ បើពន្លែងអស់មិនដឹងម៉េចទេ ក្នុងបទជាមួយលោកអែនឌី នោះ តែខ្ញុំមិនហ៊ានលើសនេះទេ ព្រោះខ្លាចប៉ុស្តិ៍បាយ័ន ដែរ។ លោកអែនឌី ក៏មិនបានកេងចំណេញអីលើខ្ញុំដែរ ដូចដឹងហើយថា គ្រាន់តែជាការសម្តែងប៉ុណ្ណោះ”។

មិនមែនមានតែសុខ សោម៉ាវត្តី ម្នាក់ទេ ដែលមិនហ៊ានថតសិចស៊ីនោះ គឺពិធីការិនីដទៃទៀតរបស់ប៉ុស្តិ៍បាយ័ន ក៏មិនហ៊ានថតដោះអាវអស់ដែរ ព្រោះខ្លាចថ្នាក់ដឹកនាំហៅទៅព្រមាន ពិសេស គឺស្រីស្អាតហ៊ិន ច័ន្ទនីរ័ត្ន គឺកាន់តែមិនហ៊ានប្រថុយក្នុងការថតដោះអាវតែម្តង បើទោះជាបានតម្លៃខ្លួនខ្ពស់ប៉ុនណាក៏ដោយ។

ប្រភពបានឱ្យដឹងថា ក្រោយលេងឈុតស្នេហាយ៉ាងស្រើបស្រាលក្នុងបទថ្មីមក សុខ សោម៉ាវត្តី ត្រូវបានបណ្តាផលិតករមួយចំនួន ហៅនាងឱ្យថត ដូចឌុច លីដា ដែរ តែត្រូវបានអ្នកមេម៉ាយកូន១រូបនេះ ប្រកែកថា មិនហ៊ានធ្វើដូចលីដា ទេ ព្រោះខ្លាចមេនៅប៉ុស្តិ៍បាយ័ន ហៅទៅស្តីបន្ទោស។

សុខ សោម៉ាវត្តី ដែលតាំងពីលែងប្តី លោកទូច ដាណារ៉ា ហៅពេជ្រ កូនប្រុសអតីតស្នងការរាជធានីភ្នំពេញ មក តារាដែលនៅតែមានទីផ្សារល្អក្នុងសិល្បៈរូបនេះ មានមន្ត្រីធំៗតាមត្រងស្នេហ៍ដល់ផ្ទះ ដែលក្នុងនោះ មានទាំងលោកផ្កាយ២ម្នាក់ផងដែរ ដែលព្យាយាមចង់ព្យាបាលរបួសបេះដូងមេម៉ាយកូន១នេះ។ ប៉ុន្តែគួរឱ្យស្តាយ សោម៉ាវត្តី មិនចាប់អារម្មណ៍នឹងតំណែងជំទាវឡើយ គឺនាងបែរជាមកស្នេហាប្រុសក្មេងលេងបាល់ទាត់ លី វ៉ាហេទ ទៅវិញ ទើបធ្វើឱ្យលោកធំនោះខកចិត្តជាខ្លាំង ព្រោះថា លោកមានទឹកលុយ និងសម្ភារៈគ្រប់បែបយ៉ាងជូនវត្តី ឱ្យតែនាងត្រូវការ តែបែរជាមិនអាចដណ្តើមបេះដូងអ្នកមេម៉ាយរូបនេះ ពីប្រុសក្មេងបានទៅវិញ។

ប្រភពបានឱ្យដឹងថា សង្សារថ្មីសោម៉ាវត្តី លោកវ៉ាហេទ ពេលនេះបានលេងស្ទីល “ស្រលាញ់មេ បំពេកូន” ព្រោះនៅមុនឆ្លងឆ្នាំសកលនោះ ប្រុសក្មេងរូបនេះបានទិញកាដូជូនកូនស្រីវត្តី ឈ្មោះចាស្មីន ធ្វើឱ្យវត្តី រំភើបនិងសរសើរ ពីទឹកចិត្តកីឡាកររូបនេះជាខ្លាំងថែមទៀតផង ដែលមិនយូរទេ គេជឿថា ពួកគេនឹងដឹកដៃគ្នាចូលរោងការជាមិនខាន។ ប៉ុន្តែ រឿងរ៉ាវស្នេហាសុខ សោម៉ាវត្តី និងលោកវ៉ាហេទ នៅពេលដែលត្រូវបានអ្នកសារព័ត៌មានសួរ កាលពីពេលថ្មីៗនេះ ក្នុងកម្មវិធីសម្ពោធរឿង “មនុស្សឆ្កួត” នោះ ត្រូវបានវត្តី ព្យាយាមគេចវេះ មិនចង់ធ្វើអត្ថាធិប្បាយ ខណៈដែលខ្សែការពារក្លឹបបឹងកេត វ៉ាហេទ ដែលគិតតែមកការពារស្រីស្អាតជាងលេងបាល់នោះ ហាក់ភ័យខ្លាចក្នុងការឆ្លើយសំណួរអ្នកកាសែត ហើយមិនដែលចេញមុខបកស្រាយឡើយ។

យ៉ាងណា តាមព័ត៌មានថា ទោះជាពេលនេះ សុខ សោម៉ាវត្តី មានប្រុសក្មេងវ៉ាហេទ ជាបណ្តូលចិត្តក្តី តែពិធីការិនីរូបនេះនៅតែស្កាត់ជួបអតីតប្តីលោកទូច ដាណារ៉ា ដែលជាស្នងការរងខេត្តរតនគិរី នោះដដែល ទើបគេសង្ស័យថា អ្នកមេម៉ាយរូបស្រស់នេះ នៅមិនទាន់ដាច់អាល័យពីប្តីចាស់ទេ បើទោះជាពេលនេះ ពួកគេមានគូស្នេហ៍ថ្មីរៀងៗខ្លួនក្តី តែវត្តី បានប្រកែក ដោយអះអាងថា នាងនិងប្តី គឺគ្មានទំនាក់ទំនងស្នេហាគ្នាដូចមុនទៀតឡើយ គឺនៅរាប់អានគ្នាធម្មតាប៉ុណ្ណោះ។

សុខ សោម៉ាវត្តី បានរបូតងារជំទាវ ជាកូនប្រសាអ្នកធំ ក្រោយចំណងស្នេហ៍ជាមួយលោកពេជ្រ បានដើរដល់ទីបញ្ចប់ កាលពីឆ្នាំ២០១៤ ដោយការលែងលះក្រៅរបងតុលាការ។ សុខ សោម៉ាវត្តី បានគ្រាំចិត្តជាខ្លាំង ព្រោះក្រោយពេលនាងលែងប្តី បាត់បង់អ្វីៗសឹងគ្រប់យ៉ាង គឺភាពហ៊ឺហាដែលពីមុនធ្លាប់ជិះរថយន្តទំនើប មានកងអង្គរក្សការពារ ពិសេស សណ្ឋាគារតម្លៃរាប់លានដុល្លារ នៅក្រុងក្រចេះ ដែលជិតតែក្លាយជាកម្មសិទ្ធិរបស់នាងទៅហើយនោះ បានរបូតពីកណ្តាប់ដៃទៅវិញអស់ ព្រោះវត្តី រៀបការដោយមិនបានចុះអេតាស៊ីវិល ហេតុនេះហើយ បានជាមិនមានការបែងចែកទ្រព្យសម្បត្តិទេ។ ប្រភពបានឱ្យដឹងថា ទោះជាពេលនេះ សុខ សោម៉ាវត្តី មានប្រុសក្មេងវ៉ាហេទ តាមថ្នមចិត្ត និងបំពេបេះដូងទាំងយប់ថ្ងៃក្តី តែមានពេលខ្លះ អ្នកមេម៉ាយរូបនេះតុកស៊ិក ចូលក្លឹបផឹកស្រាតែម្នាក់ឯង ក៏មានដែរ ដែលអ្នកសិល្បៈរួមអាជីពសុទ្ធតែអះអាងថា តារារូបនេះនៅតែមានវិបត្តិស្នេហ៍ និងរបួសផ្លូវចិត្តដ៏ធ្ងន់ដដែល…៕

ប្រភព៖ នគរធំ

អានបន្ត៖  សាវិន ហ្វីលីព ប្រកាស​ឲ្យ​មិត្ត​ក្នុង​ហ្វេសប៊ុក​ជួយ Report និង Block គណនី​ហ្វេសប៊ុក​មួយ​ចោល ព្រោះតែ..​

(ភ្នំពេញ)៖ តារាសម្ដែងជើងចាស់ និងជាស្ថាបនិក «មូលនិធិ សាវិន ដើម្បីកុមារកម្ពុជា» លោក សាវិន ហ្វីលីព ត្រូវបានទស្សនិកជនដឹងថា ក្រៅពីមានភាពមមាញឹក ផ្នែកសម្ដែងខ្សែភាពយន្តខ្នាតធំ ជាច្រើនហើយនោះ លោកក៏ងាកទៅរកការ ធ្វើជំនួយសប្បុរធម៌ផងដែរ ខណៈរាល់ពេលទំនេរពីសិល្បៈ គេតែងតែឃើញ តារាសម្ដែងរូបនេះ មានសកម្មភាពជាច្រើន ទាក់ទងនឹងការធ្វើជំនួយដល់ជនក្រីក្រ ខ្វះខាត គ្មានទីពឹងជាដើម។

ដោយក្នុងនោះ ក៏ឃើញមានវត្តមានជនជាតិបរទេស ដែលជាមិត្តភ័ក្តិរបស់លោក ចូលរួមជាច្រើនផងដែរ។ យ៉ាងណាមិញ ថ្មីៗនេះ ស្រាប់តែ ឃើញលោកបង្ហោះសារមួយ ក្នុងគណនីងហ្វេសប៊ុក ដើម្បីសូមឲ្យមិត្តៗជួយ Report និង Block ហ្វេសប៊ុកមួយចោល ដោយសារយករូបបងធម៌របស់លោក ដែលរស់នៅអាមេរិក ទៅបង្កើតគណនីផ្សេង។

បើតាមគណនីហ្វេសប៊ុកផ្ទាល់ខ្លួន របស់លោក សាវិន ហ្វីលីព បានសរសេរថា «សួស្ដីបងប្អូនលើហ្វេសប៊ុកទាំងអស់ សូមជួយ Report និង Block គណនីហ្វេសប៊ុកក្លែងក្លាយ មួយនេះផង ដែលបានយករូបថតលោក យ៉ាន់ណារ៉ា ដែលជាបងធម៌របស់ខ្ញុំ កំពុងរស់នៅអាមេរិក ទៅបង្កើតគណនីឈ្មោះ Graher Sola ដើម្បីទៅបោកប្រាស់លុយកាក់អ្នកដទៃ! បង ណារ៉ា ជាមនុស្សល្អចូលចិត្តអ្នកដទៃ ហើយកន្លងមកបានចូលរួម ក្នុងសកម្មភាពមនុស្សធម៌ជាច្រើន ពេលគាត់ចុះមកស្រុកខ្មែរម្ដងៗ.. សូមជួយស៊ែ សូមអរគុណ» 

ការប្រកាសឲ្យដឹងពីសំណាក់តារាសម្ដែង សាវីន ហ្វីលីព អាចជាការព្រមាន និងជាសញ្ញាមួយបង្ហាញថា មានជនខិលខូចលួចយករូបភាពមនុស្ស ដែលធ្លាប់មានសកម្មភាពល្អក្នុងសង្គម ដើម្បីទៅបោកប្រាសអ្នកដទៃឲ្យជឿលើខ្លួន ហើយអាចផ្ដល់លាភសក្ការៈ អ្វីមួយជាដុំកំភួនហើយមើលទៅ បានជាជនខិលខូចទាំងនោះ មកបង្កើត Account Facebook ក្លែងក្លាយ ដោយមិនដាក់រូបពិតខ្លួនឯងចូលបែបនេះ។

គួរបញ្ជាក់ផងដែរថា លោក សាវិន ហ្វីលីព បច្ចុប្បន្នកំពុងតែត្រូវបាន មហាជនគាំទ្រច្រើន តាមរយៈការសម្ដែងជាតួឪពុកក្នុងរឿង «សិសិររដូវក្នុងបេះដូង» ហើយអ្វីដែលពិសេសនោះ ទស្សនិកជនតាមបណ្ដាខេត្ត ស្គាល់លោកកាន់ច្បាស់ តាមរយៈការធ្វើជំនួយសម្បុរសធម៌ និងការជីកអណ្ដូងទឹកស្អាត ជូនដល់ប្រជាពលរដ្ឋ នៅតាមតំបន់ដាច់ស្រយាលនានា៕

សារនិងរូបភាពដែលលោក ​សាវិន ហ្វីលីព បានបង្ហោះនៅលើបណ្តាញសង្គមរបស់ខ្លួន

 

 

Leave a Reply

Your email address will not be published. Required fields are marked *